Падчас чарговага пасяджэння Аб’яднанага Пераходнага Кабінета Беларусі было прынята рашэнне аб падтрымцы арганізацыі і правядзення дабрачыннага марафону па зборы сродкаў на карысць беларускіх добраахвотнікаў, якія ваююць або ваявалі на баку Украіны.
З ініцыятывай выступіла прадстаўніца Кабінета па сацыяльнай палітыцы Вольга Зазулінская:
– Мы выявілі, што ёсць яшчэ адна група, якой патрэбна таксама закрыць пытанне рэсацыялізацыі і адаптацыі, псіхалагічнай дапамогі і медычнай дапамогі. Па пытанні легалізацыі беларускія добраахвотнікі, якія ваююць на баку Украіны, сустракаліся з рознымі прадстаўнікамі розных аб’яднанняў у тым ліку і з Палком Кастуся Каліноўскага, з хлопцамі размаўлялі.
Прадстаўнік па пытаннях абароны і нацыянальнай бяспекі Вадзім Кабанчук у сваю чаргу паведаміў, што сярод магчымых удзельнікаў марафону разглядаюцца Фонд Кастуся Каліноўскага, рух «Каліноўцы», а таксама іншыя зацікаўленыя грамадзянскія і валанцёрскія ініцыятывы.
Цалкам матэрыял:
Беларускае Радыё Рацыя
Фота АПК.
