Новы спікер Каардынацыйнай рады Арцём Брухан заявіў, што адной з галоўных мэт яго мандата стане захаванне і ўмацаванне Рады як прадстаўнічага органа, які з’яўляецца альтэрнатывай нелегітымнаму “парламенту” рэжыму Лукашэнкі.
– Першы крок, які я зраблю, – гэта стварэнне юрыдычнай асобы Каардынацыйнай рады, каб зрабіць так, каб такія сітуацыі, як, на жаль, з Анжалікай Мельнікавай, звязаная з фінансаваннем Каардынацыйнай рады, не паўтараліся. Па-другое, хацеў бы арганізаваць слуханні Аб’яднанага пераходнага кабінета да канферэнцыі «Новая Беларусь» пра пачатак падрыхтоўкі арганізацыі новых выбараў у Каардынацыйную раду ў 2026 годзе. Ключавая задача – забяспечыць устойлівасць гэтага інстытута.
Акрамя таго, Брухан абяцае працягваць падтрымку беларусаў замежжа і стварыць анлайн-рэестр рашэнняў і галасаванняў КР у адкрытым доступе.
Цалкам матэрыял:
Беларускае Радыё Рацыя
