Пасяджэнне Кансультацыйнай групы Еўразвязу па Беларусі ў Брусэлі прайшло паспяхова. “На падзеі мы абмеркавалі шэраг практычна важных пытанняў”, – адзначыў спікер Кардынайцнай Рады, намеснік кіраўніка Народнага антыкрызіснага ўпраўлення Арцём Брухан.
– Па-першае, абмяркоўваліся пытанні візавай падтрымкі для беларусаў і мабільнасці. Уздымалася пытанне выдачы візаў для беларусаў на больш вялікі тэрмін, каб знізіць нагрузку на консульскія ўстановы Еўрапейскага звязу ў Беларусі. Каб была магчымасць больш выдаваць візаў. Другое практычнае пытанне – гэта падтрымка, у тым ліку фінансавая, грамадзянскай супольнасці, дэмакратычных інстытутаў і безумоўна незалежных медыяў. І зразумела таксама абмяркоўваліся пытанні, звязаныя з палітвязнямі, з санкцыйным ціскам на рэжым Лукашэнкі.
Як мяркуецца, па выніках сустрэчы будуць складзеныя рэкамендацыі краінам Еўрапейскага Звязу. “Фактычна гэта стратэгічны дыялог з ЕЗ”, – дадаў Арцём Брухан.
Цалкам матэрыял:
Беларускае Радыё Рацыя
