Прэзідэнт Азербайджана Ільхам Аліеў назваў прылёт іранскіх дронаў «тэрарыстычным актам» і заявіў, што вінаватыя павінны быць прыцягнутыя да адказнасці, а Іран — даць тлумачэнні і прабачэнні. Ён падкрэсліў, што Баку не змірыцца з агрэсіяй і прывёў свае сілы ў стан мабілізацыі нумар адзін, пагражаючы «Жалезным кулаком» і спасылаючыся на аперацыю 2020 года супраць Арменіі.
Па папярэдніх дадзеных, адзін дрон тыпу «Шахед» пашкодзіў будынак тэрміналу аэрапорта ў Нахічывані, другі ўпаў каля школы. Ёсць параненыя. Міністэрства абароны Азербайджана заявіла, што гэтыя акты нападу не застануцца без адказу, і пачата крымінальная справа паводле артыкулаў аб тэрарызме і пагрозе авіяцыйнай бяспецы.
Беларускае Радыё Рацыя
