Прэзідэнт ЗША Джо Байдэн даў зразумець, што рашэнне аб дазволе Украіне запускаць ракеты заходняй вытворчасці па Расеі не будзе прынята, пакуль ён не сустрэнецца з кіраўніком Украінскай дзяржавы Уладзімірам Зяленскім у канцы месяца. Аб гэтым піша The Telegraph.
Фота president.gov.ua
Выданне нагадвае, што Украіна і некаторыя яе саюзнікі, уключаючы Вялікабрытанію, заклікаюць прэзідэнта ЗША даць зялёнае святло выкарыстанню зброі для ўдараў па авіябазах і іншых стратэгічна важных ваенных цэлях РФ.
Зяленскі павінен сустрэцца з Байдэнам у канцы верасня ў Нью-Ёрку на паседжанні Генасамблеі ААН, паведамляе unian.net.
“ЗША занепакоеныя тым, што прадастаўленне Украіне дазволу абстрэльваць Расею заходнімі ракетамі прывядзе да эскалацыі канфлікту. … камандныя цэнтры і склады забеспячэння ў акупаванай Украіне глыбока за лініяй фронта “, – гаворыцца ў артыкуле.
