26 студзеня 2025 года адбудуцца ў Беларусі так званыя прэзідэнцкія выбары. Імітацыя падрыхтоўкі да іх з боку лукашэнкаўскага рэжыму ідзе актыўна. Зарэгістравана сем ініцыятыўных груп. Шэсць з іх – спарынг-партнёры Лукашэнкі.
Дэмакратычная супольнасць не прыйшла да адзінай высновы аб удзеле ці не ўдзеле у выбарчым фарсе. Напрыклад, сябра асацыяцыі палітвязняў «Да волі» Алег Кулеша лічыць, што трэба галасаваць.
Алег Кулеша: – Зараз заклікаць людзей да байкоту выбараў – гэта значыцца, што Акрэсціна будзе перапоўнена. Зрабіць так, каб было бяспечна людзям больш-менш – гэта не заклікаць байкатаваць выбары.
Вячаслаў Сіўчык – грамадскі рух Салідарнасці «Разам» – настойвае на байкоце.
Вячаслаў Сіўчык: – Ужо вядомая дата шостага выбарчага фарса. Беларусаў зноў вядуць на знішчэнне. Гэта абсалютна непрымальна.
Аляксандр Сахарук: Напрыклад, будучы ў Беларусі, я б на выбары не пайшоў. Таму што бараны пастуха не выбіраюць.
Мы працягнем далей абмеркаванне ўдзелу ці неўдзелу ў выбарах з аргументацыяй кожнай пазіцыі. Магчыма, апазіцыя выпрацуе адзіны падыход, каб перадаць пажаданы і адзіна правільны пасыл у Беларусь.
Беларускае Радыё Рацыя
