Выбар паміж байкотам і ўдзелам у выбарах з’яўляецца складанай і спрэчнай тэмай для беларускай апазіцыі. Прыхільнікі байкоту сцвярджаюць, што гэта можа дапамагчы прыцягнуць увагу да палітычных рэпрэсій і вызваліць палітвязняў, у той час як прыхільнікі ўдзелу лічаць, што галасаванне супраць усіх – гэта магчымасць паказаць свае пазіцыі і пазбегнуць рэпрэсій. Абодва падыходы маюць свае плюсы і мінусы, і меркаванне сярод грамадзян падзелена.
Гаворыць публіцыст, грамадскі актывіст Алесь Чайчыц:
-Я лічу, што перш за ўсё нельга гэтую дыскусію выкарыстоўваць для канфліктаў унутры беларускай апазіцыі, і атакаваць іншых толькі за тое, што яны прапаноўваюць не тое, што табе падабаецца, таму што раскол выгадны толькі Лукашэнку. А што тычыцца гэтых дзвюх канкрэтных опцый, на мой асабісты погляд, яны аднолькава маюць права быць.
Існуе меркаванне, што як байкот, так і ўдзел апазіцыі ў так званых выбарах з аднолькавай імавернасцю могуць прывесці да легітымацыі існага рэжыму. І прымаць удзел ці не прымаць залежыць ад канкрэтнай сітуацыі.
Цалкам матэрыял слухайце ў далучаным гукавым файле:
Беларускае Радыё Рацыя
