Першы міністр Шатландыі Хамза Юсаф заявіў, што ўрад Шатландыі “зробіць усё магчымае”, каб дапамагчы справе захавання свабоды ў Еўропе. Гэта прагучала пасля сустрэчы са Святланай Ціханоўскай, піша „The Herald”.
«Урад Шатландыі цалкам асуджае агідныя дзеянні рэжыму Лукашэнкі і парушэнні правоў чалавека ў Беларусі, якія працягваюцца. Барацьба за свабоду ў гэтай краіне таксама з’яўляецца актам барацьбы за далейшую свабоду ў Еўропе і ва ўсім свеце – і па меры магчымасці ўрад, які я ўзначальваю, будзе рабіць усё магчымае для садзейнічання гэтай справе», – запэўніў Хамза Юсаф.
У адказ на заклік Першы міністр Шатландыі абвясціў, што возьме на сябе ролю «хроснага» палітвязня Зміцера Галавача з гурта Tor Band, які быў асуджаны на 9 гадоў пазбаўлення волі. Такім чынам ён стаў першым кіраўніком урада ў свеце, які зрабіў гэта, зазначае выданне. Чатыры калегі-міністры з шатландскага ўрада таксама ўзялі на сябе ролю “хросных” беларускіх палітвязняў.
“Хартыя97”
Фота: www.1lurer.am
