Беспілотнік з Беларусі прыляцеў у Літву з выбухоўкай. Літоўскія спецслужбы выявілі, што ён нёс два кілаграмы выбуховага рэчыва.
Беспілотнік заляцеў з тэрыторыі Беларусі і ўпаў каля Коўна, але гэта быў расейскі дрон «Гербера». Падобна, што дрон з выбухоўкай патрапіў у беларускую паветраную прастору з Украіны, праляцеў праз усю Беларусь і апынуўся ў Літве.
Міністр замежных спраў Кястуціс Будрыс паведаміў, што праінфармаваў хаўруснікаў Літвы пра інцыдэнт, а таксама напісаў кіраўніку NATO і папрасіў узмацніць супрацьпаветраную абарону краіны. Ён нагадаў, што з нагоды інцыдэнту Літва выказала Беларусі пратэст.
Беларускае Радыё Рацыя
