Голасна дэманстраваць сваё меркаванне не схільныя асобы, якія галасуюць за рэспубліканцаў. Менавіта таму да асноўнага дня галасавання перамога Дональда Трампа не была такой відавочнай, — перакананы беларус Максім Папечка, які жыве ў ЗША і сачыў за бягучай электаральнай кампаніяй:
— Збольшага людзі, якія галасуюць за рэспубліканцаў, яны не схільныя гучна выказваць сваё меркаванне. Гэта значыць, яны прыходзяць на ўчастак і галасуюць. А тыя, хто за дэмакратаў, яны ў асноўным больш схільныя падзяліцца адкрытасцю свайго меркавання. І таму, калі праходзілі апытанні, вось дык вось атрымалася, што большасць, відаць, трапіла на тых, хто за дэмакратаў.
Цалкам слухайце ў далучаным гукавым файле:
Сёлетнія прэзідэнцкія выбары ў ЗША адбыліся роўна тыдзень таму, 5 лістапада. З вялікім адрывам выйграў прадстаўнік рэспубліканскай партыі Дональд Трамп. Інаугурацыя амерыканскага прэзідэнта павінна адбыцца 20 студзеня 2025 года.
Беларускае Радыё Рацыя
