Міністр замежных спраў Польшчы Радаслаў Сікорскі пракаментаваў сайту “Зеркало” заяву Аляксандра Лукашэнкі пра падрыхтоўку Беларусі да вайны.
“Хай паспрабуе. Паглядзім, хто выйграе”, — зазначыў Сікорскі.
Кіраўнік польскай дыпламатыі прыбыў у сталіцу Бельгіі, дзе ў штаб-кватэры NATO праходзіць сустрэча міністраў замежных спраў краін Альянсу. 2 красавіка Лукашэнка падчас паездкі ў Гародню заявіў, што Беларусь рыхтуецца да вайны: “Нікому не верце, што мы хочам ваяваць. Мы рыхтуемся да вайны. “Хочаш міру — рыхтуйся да вайны”, — не я гэта прыдумаў. Гэта вельмі правільна сказана”.
Словы Лукашэнкі напярэдадні таксама пракаментаваў прадстаўнік замежнапалітычнай службы ЕС Петэр Стана. Ён назваў Лукашэнку самазванцам і паведаміў, што ЕС рыхтуецца супрацьстаяць пагрозам
