Прэзідэнт Аргенціны Хаўер Мілей у час дзяржаўнага візіта ў Ізраіль, выступіў з трыбуны Кнэсета, звярнуўшыся да дэпутатаў і ўсяго ізраільскага народа.
У сваім выступе аргенцінскі лідар звярнуў увагу на крывадушнасць “міжнароднай грамадскасці”, адзначыўшы, што ёй “уласціва рабіць з ахвяры злачынца”.
“Людзі гатовыя мірыцца з тэрорам, выяўляючы абуральную крывадушнасць. Мы на вайне дабра са злом, зыход якой прадвызначыць будучыню чалавецтва. Ізраіль і габрэйскі народ робяць вялікія цуды. Першы цуд – станаўленне Ізраілю пасля Другой сусветнай вайны. Другое – тое, што Ізраілю ўдаецца выжыць пасля таго, як яго зноў і зноў спрабуюць знішчыць”, – сказаў Хаўер Мілей.
Прэзідэнт Аргенціны паведаміў, што перавядзе пасольства сваёй краіны ў Ерусалім у наступным годзе і нагадаў, што яго ўрад аб’явіў ХАМАС тэрарыстычнай арганізацыяй.
Амерыканскі госць “прайшоўся” і па шведскай “экаактывістцы” Грэце Тунберг, якую выслалі з Ізраіля. Ён назваў яе “найміткай, якой плацяць піярам”. “Яна заяўляе, што яе выкралі, у той час як ёсць дзясяткі ізраільцян, у тым ліку і аргенцінскіх грамадзян, якія рэальна выкрадзены і ўтрымліваюцца ў нечалавечых умовах у засценках ХАМАС”, – нагадаў Мілей.
Прэзідэнта Аргенціны віталі ў Кнэсеце гучнымі авацыямі і частым уставаннем з крэслаў.
Беларускае Радыё Рацыя
