Прэм’ер-міністр Вугоршчыны Віктар Орбан рыхтуе чарговы “сюрпрыз”.
Фота: Коммерсантъ
На панядзелак у яго запланаваны яшчэ адзін візіт, куды менавіта — Орбан не ўдакладняе. Але з улікам стасункаў паміж афіцыйным Будапештам і рэжымам Лукашэнкі, гэта можа быць нават Беларусь. Напрыклад, кіраўнік МЗС Венгрыі бываў у Менску і пасля 2020-га, і пасля 2022-га.
Адначасова Орбан раскрытыкаваў калег па ЕЗ, сказаўшы: “еўрапейскія бюракраты ніколі не ўсталююць мір”.
З 1 ліпеня Венгрыя з’яўляецца старшынёй Савета Еўразвязу. Але ані Савет ЕЗ, ані Еўракамісія не давалі Орбану мандат прадстаўляць увесь ЕЗ і яго пазіцыю падчас размоваў з Пуціным.
