Дэмакратычныя сілы Беларусі ў добрых стасунках з Рэспубліканскай партыяй ЗША, заявіла Святлана Ціханоўская падчас брыфінгу на Сусветным форуме за дэмакратыю ў францускім Страсбургу.
Наконт перспектываў працягу Стратэгічнага дыялогу дэмакратычных сілаў Беларусі і ЗША Ціханоўская заявіла: “Наш Стратэгічны дыялог, які быў арганізаваны раней, будзе працягваць інтэнсіўную працу.” Пры гэтым Ціханоўская падкрэсліла, што беларускім дэмсілам «цяпер трэба працаваць у тры разы актыўней, чым дагэтуль».
Рэспубліканец Дональд Трамп набраў неабходныя 270 галасоў калегіі электараў для перамогі на прэзідэнцкіх выбарах у ЗША, апярэдзіўшы прадстаўніцу дэмакратаў Камалу Гарыс.
