Падчас працоўнага візіту на Мальту Святлана Ціханоўская і прэзідэнтка Еўрапейскага парламента Раберта Метсола падпісалі дамову аб супрацоўніцтве паміж Еўрапарламентам і беларускімі дэмакратычнымі сіламі.
Еўрапейскі Парламент упершыню падпісаў дакумент такога кшталту не з афіцыйным урадам, паведамляе прэс-служба дэмакратычнай лідаркі Беларусі.
Дамова сярод іншага дэкларуе развіццё ўмоваў для ажыццяўлення дэмакратычнага транзіту ў Беларусі, у тым ліку праз аказанне дапамогі дэмакратычным сілам і актывістам грамадзянскай супольнасці, праваабаронцам, незалежным СМІ і прафсаюзам Беларусі ў межах праграмы EU4Belarus і праз нарошчванне адукацыйных ініцыятываў і магчымасцяў; а таксама — маніторынг выканання правоў і свабодаў беларусаў за мяжой.
Беларускае Радыё Рацыя
