Дамагацца вызвалення палітычных зняволеных у Беларусі заклікала дэпутатаў французскага парламента дэмакратычная лідарка Святлана Ціханоўская.
Падчас працоўнага візіту ў Парыж Ціханоўская сустрэлася з парламенцкай групай «За дэмакратычную Беларусь» у Нацыянальнай Асамблеі Францыі. У межах гэтай групы адбываюцца сустрэчы дэпутатаў, дзе прадстаўляюцца новыя ініцыятывы, абмяркоўваюцца актуальныя праблемы і шляхі падтрымкі беларускай грамадзянскай супольнасці. Падчас сустрэчы абмеркавалі шляхі падтрымкі палітвязняў і спосабы іх вызвалення, а таксама гаворка ішла пра кампаніі салідарнасці з беларускімі палітвязнямі і так далей.
Асобна Святлана Ціханоўская закранула пытанне фінансавай падтрымкі беларускіх медыя і грамадзянскай супольнасці, якія сутыкнуліся з праблемамі пасля прыпынення міжнароднай дапамогі ЗША.
Беларускае Радыё Рацыя
Фота: tsikhanouskaya.org
