Святлана Ціханоўская прыме ўдзел у міністэрскай сустрэчы Еўразвяза, якая адбудзецца 18 сакавіка ў Бруселі. Запрашэнне паступіла ад польскага міністра па еўрапейскіх справах Адама Шлапкі падчас візіту Ціханоўскай у Еўрапарламент.
На сустрэчы будуць абмяркоўваць агульную пазіцыю ЕЗ адносна Беларусі ў кантэксце мірных перамоў па Украіне. Ціханоўская падкрэсліла, што рашэнні Еўразвязу будуць уплываць не толькі на будучыню Украіны, але і на будучыню Беларусі і ўсёй Усходняй Еўропы. Гэтая сустрэча, як чакаецца, стане важнай магчымасцю для ўзмацнення падтрымкі беларускага народа з боку ЕЗ.
