Святлана Ціханоўская заклікала Італію далучыцца да ЗША і Еўразвязу ў справе вызвалення палітвязняў. Гэтую тэму абмеркавала дэмакратычная лідарка на сустрэчы з міністрам замежных спраў Італіі Антоніа Таяні падчас Дуброўніцкага форуму.
Ціханоўская адзначыла, што “спалучэнне ціску, салідарнасці і дыпламатыі працуе”, таму трэба “рухацца далей”.
Таяні, як сцвярджае прэс-служба дэмлідаркі, “выказаў цвёрдую падтрымку беларускаму народу і гатоўнасць Італіі дзейнічаць разам з партнёрамі, каб дамагчыся дэмакратыі ў Беларусі”.
Дуброўніцкі форум праходзіць у Харватыі 11–12 ліпеня.
