- Рэакцыя літоўскіх палітыкаў на затрыманне Верамейчыка
- Новая беларуская АЭС
- У Беларусі забаранілі шэраг кніг, у тым ліку пра гісторыю Беларусі Штыхава
Экс-баец палка Кастуся Каліноўскага Васіль Верамейчык быў затрыманы ў В’етнаме яшчэ 13 лістапада, а ўжо на наступны дзень яго дэпартавалі праз Расею ў Беларусь пад канвоем з трох чалавек. DW публікуе рэакцыю літоўскіх палітыкаў на затрыманне Верамейчыка
“ Дайнюс Жалімас, былы кандыдат у прэзідэнты Літвы, парламентарый ЕС, напісаў на сваёй старонцы ў Facebook: “Літва таксама нясе адказнасць за пагрозу жыццю беларуса Васіля Верамейчыка, які ваяваў у палку Каліноўскага ва Украіне. Літва адмовіла яму ў прытулку, фармальна спаслаўшыся на факт яго ранейшай службы ў беларускім войску. Факт таксама і тое, што цяпер, пасля таго як В’етнам перадаў рэжыму Лукашэнку Верамейчыка, яму нават пагражае смяротнае пакаранне за службу ў палку Каліноўскага, нам усім не будзе сорамна?”. Міністр абароны Літвы Лаўрынас Кашчунас у інтэрв’ю “Белсат”: “Калі была нейкая інфармацыя пра тое, што ён мог быць звязаны з рэжымам ці нейкай іншай рызыкай, то было прынятае такое рашэнне. Бывае рознае. Так вырашыла дзяржава. (…) Але я не думаю, што гэта лепшы варыянт – паехаць у В’етнам, таму што там усё роўна ёсць сувязі з Лукашэнкам, з Расеяй”. Міністр унутраных спраў Агне Білатайтэ ў інтэрв’ю LRT пракаментаваў сіутацыю так: “Гэта было рашэнне Дэпартамента міграцыі, прынятае з улікам інфармацыі, прадстаўленай Дэпартаментам дзяржаўнай бяспекі. Гэта іх кампетэнцыя (…), яны павінны пракаментаваць інфармацыю, якая ёсць у іх распараджэнні, і на якой падставе яны далі такую рэкамендацыю”. Ва Украіне арышт Верамейчыка афіцыйна пакуль не каментавалі”, – паведамляе DW.
“Намеснік міністра энергетыкі Дзяніс Мароз паведаміў, што ў наступным годзе будзе падрыхтаваны даклад аб варыянтах будаўніцтва ў Беларусі другой АЭС або трэцяга блока на існуючай станцыі. Тэхніка-эканамічнае абгрунтаванне новай АЭС у Беларусі будзе падрыхтавана ў 2025 годзе”, – піша міжнароднае выданне World Nuclear News.
“Існуючая Беларуская АЭС цяпер мае два блокі. Мароз сказаў, што неабходны сістэмны аналіз і канчатковае рашэнне: «Мы цяпер даволі інтэнсіўна працуем, вывучаем перспектывы, бачым тэндэнцыі хуткага росту спажывання электраэнергіі. Пра гэта паведаміла афіцыйнае агенцтва Белта і дадала, што «калі мы разам з навукоўцамі прыйдзем да разумення, што гэтыя тэндэнцыі ўстойлівыя, то, вядома, тэхніка-эканамічнае абгрунтаванне пакажа, наколькі эфектыўнае будаўніцтва новай АЭС, новы блок на існуючай пляцоўцы або стварэнне іншай станцыі на новай пляцоўцы можа закладзены ў лістападзе 2013 года. У траўні 2014 года «Расатам» пачаў будаўніцтва блока № 2. Абодва рэактары — ВВЭР-1200. Першы Астравецкі энергаблок быў уключаны ў сетку ў лістападзе 2020 года, і, як заяўляюць у Мінэнерга, станцыя будзе выпрацоўваць каля 18,5 ТВт-гадз электраэнергіі ў год, што эквівалентна 4,5 млрд кубаметраў прыроднага газу, штогадова адаб’ецца на эканоміцы краіны. каля 550 мільёнаў долараў. Другі энергаблок уведзены ў прамысловую эксплуатацыю 1 лістапада 2023 года. Краіна разглядае варыянт другой атамнай электрастанцыі з-за прагнозаў, што попыт на электраэнергію будзе расці ў бліжэйшыя гады. Віцэ-прэм’ер Віктар Каранкевіч, які да пачатку гэтага года быў міністрам энергетыкі, заявіў, што калі пабудуюць другую АЭС, то Беларусь стане сусветным лідарам па долі энергіі, якая паступае з АЭС. Станцыя будзе забяспечваць больш за 40% патрэбаў краіны ў электраэнергіі і скароціць выкіды CO2 прыкладна на 7 мільёнаў тон у год”. Дзеючая Беларуская АЭС размешчана ў Астраўцы Гарадзеншчыны. Генеральны кантракт на будаўніцтва быў падпісаны ў 2011 годзе”, – піша міжнароднае выданне.
“У Беларусі забаранілі кнігі пра гісторыю Беларусі, сексуалізаваны гвалт, аднаполыя адносіны, трансгендэрны пераход і шэраг іншых”, – піша Ukrinform.
“Міністэрства інфармацыі РБ размясціла на сваім сайце “Спіс друкаваных выданняў, якія змяшчаюць інфармацыйныя паведамленні і (або) матэрыялы, распаўсюджванне якіх здольна нанесці шкоду нацыянальным інтарэсам Рэспублікі Беларусь”. У спісе лічацца 35 друкаваных выданняў. Сярод іх:
“Нарысы гісторыі Беларусі” ў суаўтарстве Касцюка, Ісаенкі, Штыхава.
“Мая цёмная Ванэса” амерыканскай пісьменніцы Кейт Элізабэт Расэл.
“Лета ў піянерскім гальштуку” і “Пра што маўчыць ластаўка” расейскіх аўтараў Алены Малісавай і Кацярыны Сільванавай – кнігі прысвечаны адносінам двух юнакоў, якія сустрэліся ў піянерскім лагеры летам 1986 года;
“Быць Мірандай. Як я стала сабой, змяніўшы пол” Міранды Зомберг – мемуары транссгендэрнай персоны
“ВІЧ-станоўчая” Кэрын Гарэт – гісторыя школьніцы з ВІЧ-станоўчым статусам”, – падкрэслівае украінскае выданне.
Вольга Сямашка, Беларускае Радыё Рацыя
