Цэнтральная выбарчая камісія Беларусі на пасяджэнні 31 кастрычніка зарэгістравала адразу тры ініцыятыўныя групы прэтэндэнтаў на ўдзел у прэзідэнцкіх выбарах 26 студзеня 2025 года. Сярод новых прэтэндэнтаў – Алег Гайдукевіч, Аляксандар Хіжняк і Вольга Чамаданава.
Таксама ЦВК Беларусі 31 кастрычніка прыняла дакументы аб рэгістрацыі ініцыятыўных групаў па зборы подпісаў у падтрымку вылучэння кандыдатамі ў прэзідэнты ад: Сяргея Бобрыкава, былога начальніка Ваеннай акадэміі, генерал-маёра, які цяпер узначальвае Рэспубліканскі савет грамадскага аб’яднання «Беларускі саюз афіцэраў»; Ганны Канапацкай, дэпутаткі Палаты прадстаўнікоў Нацыянальнага сходу VI склікання і Дыяны Кавалёвай, жыхаркі Магілёва.
Наступнае пасяджэнне ЦВК прызначылі на 4 лістапада. Нагадаем, першай ЦВК зарэгістравала ініцыятыўную групу Аляксандра Лукашэнкі.
Беларускае Радыё Рацыя
