13 дзён засталося да прэзідэнцкіх выбараў у Злучаных Штатах Амерыкі. Яны адбудуцца ў аўторак, 05 лістапада менш чым праз два тыдні. На 60-х выбарах прэзідэнта ў гісторыі краіны будзе абраны 47-мы прэзідэнт, — сваімі разважаннямі адносна электаральнай кампаніі падзяліўся беларус, які жыве ў ЗША, Юры Крыхала:
— Я пэўна падтрымаю Камілу Харыс, не таму што я такі аматар дэмакратычнай партыі, а хутчэй, Трамп гэта значна горшы кандыдат, гэта нарцыс, ён не разбіраецца ў вонкавай палітыцы. Гэта значыць пры ім Амерыка не стане вялікай, хутчэй наадварот. Ён не здольны кіраваць дзяржавай.
Цалкам слухайце ў далучаным гукавым файле:
Пасля таго, як з прэзідэнцкай гонкі выйшаў дзеючы прэзідэнт Джо Байдэн, кандыдатамі ў прэзідэнты сталі Камала Харыс ад партыі дэмакратаў і Дональд Трамп ад партыі рэспубліканцаў.
Беларускае Радыё Рацыя
