Узброеныя сілы Украіны (ВСУ) могуць выкарыстоўваць прадстаўленую Даніяй зброю на тэрыторыі Расеі, паведамляе unian.net.
FOTO: JIM MATTIS/WIKIPEDIA
Такую заяву зрабіў міністр замежных спраў Даніі Ларс Леке Расмусэн, каментуючы падзеі ў Курскай вобласці, піша DR.
“Абарона сябе цалкам можа ўключаць уварванне на тэрыторыю агрэсара. Калі ў рамках гэтага вы атакуеце інфраструктуру або ваенныя аб’екты нападаючага, то гэта цалкам у рамках правілаў вайны”, – сказаў ён.
Расмусэн падкрэсліў, што падтрымка Даніяй Украіны зусім не змянілася. У той жа час выкарыстанне дацкай зброі на тэрыторыі РФ – у рамках правілаў.
“Нельга ўстанавіць абмежаванні, згодна з якімі зброю можна прымяняць толькі на тэрыторыі Украіны”, – дадаў міністр.
