Дарадца Святланы Ціханоўскай па пытаннях дыпламатыі Дзяніс Кучынскі сустрэўся з дырэктаркай Дэпартамента замежных справаў Канцылярыі Прэм’ер-міністра Польшчы Малгажатай Латкевіч-Паўляк.
Падчас сустрэчы бакі абмеркавалі асноўныя планы на бягучы год і шляхі больш шчыльнага супрацоўніцтва з дэмакратычнымі сіламі Беларусі, з акцэнтам на практычныя крокі і каардынацыю дзеянняў. Пра гэта інфармуе прэс-служба Ціханоўскай.
Латкевіч-Паўляк пацвердзіла гатовасць Польшчы працягваць практычную падтрымку беларусам, якія знаходзяцца ў Польшчы.
Кучынскі адзначыў, што каманда Ціханоўскай знаходзіцца ў сталай камунікацыі з польскім прэм’ер‑мінiстрам Дональдам Тускам і яго канцылярыяй.
