31 сакавіка – 1 красавіка дарадца па пытаннях дыпламатыі Дзяніс Кучынскі па даручэнні Святланы Ціханоўскай наведаў Вашынгтон з працоўным візітам.
У цэнтры ўвагі перамоваў было пытанне вызвалення палітычных зняволеных, а таксама ўзмацненне падтрымкі беларускай супольнасці і дэмакратычных ініцыятываў. Паводле дарадцы, “таксама важна захаваць прынцыповую пазіцыю еўрапейскага падыходу ў дачыненні да рэжыму. Тут неабходны баланс роляў — такія сумесныя дзеянні даюць вынік”.
Візіт Кучынскага ў Вашынгтон анансавала Святлана Ціханоўская ў Сейме Літвы 30 сакавіка. Яна ўзгадала пра важнасць захавання еўрапейскіх санкцый супраць рэжыму Аляксандра Лукашэнкі на фоне зняцця часткі абмежавальных захадаў ЗША.
