22 ліпеня міністр унутраных спраў Германіі Аляксандар Добрынт падчас сустрэчы міністраў унутраных спраў Еўразвязу выступіў за стварэнне цэнтраў дэпартацыі ў трэціх краінах для тых мігрантаў, якім адмовілі ў прытулку.
Паводле Добрынта, гэтыя цэнтры для вяртання мігрантаў павінны размяшчацца недалёка ад краін іх паходжання. А ствараць іх мае сэнс супольна некалькім краінам Еўразвязу, паведаміла dw.com.
Ідэю пашырыў еўракамісар у справах міграцыі Магнус Брунэр, які прапанаваў даць краінам ЕЗ права дэпартаваць мігрантаў у трэція краіны, нават калі яны з імі ніяк не звязаныя.
Гэтыя задачы і абарона вонкавых межаў Еўразвязу стануць прыярытэтам цяперашняга старшынства Даніі ў Савеце ЕЗ, заявіў міністар іміграцыі і інтэграцыі гэтай краіны Корэ Дубвад.
