Дональд Трамп — сябар Польшчы і палякаў, заявіў у сераду раніцай амбасадар ЗША ў Польшчы Марк Бжэзінскі. Дыпламат запэўніў, што «цеснае сяброўства паміж Польшчай і ЗША будзе працягвацца».
Ён заявіў, што «цікавасць Трампа ў Польшчы вельмі відавочная». Бжэзінскі нагадаў, што ў 2017 годзе Дональд Трамп наведаў Польшчу ў якасці прэзідэнта, зрабіўшы «вядомую заяву ля помніка Варшаўскаму паўстанню».
— Ён казаў тады пра тое, як амерыканцы польскага паходжання ўзбагацілі Амерыку і ўвесь свет. Ён гаварыў аб пашырэнні двухбаковых адносін. Ён казаў пра ролю Польшчы як лідэра, як прыкладу для пераймання, – адзначыў амбасадар.
Беларускае Радыё Рацыя
