У Дзень Волі 25 сакавіка Еўрапейская служба знешніх дзеянняў заявіла пра салідарнасць Еўразвязу з народам Беларусі.
“Мы маем намер і надалей падтрымліваць усіх, хто імкнецца да дэмакратычнай будучыні для ганарлівага і незалежнага беларускага народа”, — гаворыцца на старонцы службы ў сацсетцы “Х”.
25 сакавіка беларусы ўсяго свету традыцыйна святкуюць Дзень Волі – чарговую гадавіну абвяшчэння незалежнасці Беларускай Народнай Рэспублікі
107 гадоў таму Рада БНР прыняла Трэцюю Устаўную грамату, у якой абвясціла незалежнасць краіны і аддзяленне яе ад Расіі. Віншаванні беларусам склалі, у прыватнасці, старшыня Рады БНР Івонка Сурвіла і беларуская дэмакратычная лідарка Святлана Ціханоўская.
Беларускае Радыё Рацыя
