Адразу дзве краіны -Беларусь і Турцыя – аб’явілі аб прыпыненні дзеяння Дамовы аб звычайных узброеных сілах у Еўропе (ДЗУСЕ). На практыцы, гэта будзе азначаць, што Беларусь не будзе дзяліцца з Еўропай інфармацыяй аб сваіх звычайных узбраеннях і тэхніцы.
Сітуацыю каментуе ваенны эксперт, старшыня Асацыяцыі беларускіх ветэранаў ва Украіне Андрэй Кушняроў:
– Дамова ніяк не звязаная з сітуацыяй ва Украине. Тое, што на тэрыторыі Беларусі адсутнічае фармальны механізм для заходніх інспекцый казаць пра жаданне нарасціць тут вялікую групоўку, у тым ліку расейских войскаў_ – адзін з магчымых варыянтаў. Аднак у нас няма дакладных дадзеных на гэты конт, але мяркуючы па ўсім, з лютага 2022 года ўжо гэтых інспекцый на тэрыторыі Беларусі не праводзіцца. Гэта хутчэй палітычны крок з боку Лукашэнкі, чым гэта будзе мець нейкія рэальныя наступствы..
ДЗУСЕ быў падпісаны ў лістападзе 1990 года прадстаўнікамі 22 краін. Удзельнікі ДЗУСЕ дамовіліся абмежаваць колькасць баявых танкаў і машын, артылерыі, ударных верталётаў і баявых самалётаў, якія ёсць у іх распараджэнні на тэрыторыі ад Атлантычнага акіяна да Уральскіх гор.
Цалкам матэрыял слухайце ў далучаным файле:
Беларускае Радыё Рацыя
