Прэзідэнт ЗША Джо Байдэн прыслухаўся да заклікаў паплечнікаў і за чатыры месяцы да выбараў адмовіўся змагацца з Дональдам Трампам за права кіраваць вядучай ваеннай і эканамічнай дзяржавай планеты.
Байдэн апублікаваў заяву, у якой напісаў, што служыць амерыканскаму народу прэзідэнтам для яго вялікі гонар, і што ён меў намер прыняць удзел у выбарах, але ў інтарэсах яго партыі і краіны яму трэба адмовіцца ад удзелу ў перадвыбарнай кампаніі і засяродзіцца на сваіх прэзідэнцкіх абавязках да канца адведзенага яму цяперашняга тэрміна. У сваёй заяве, апублікаванай у сацсетцы Х, прэзідэнт ЗША асабліва падзякаваў за працу віцэ-прэзідэнту Камалу Харыс, назваўшы яе экстраардынарным партнёрам.
Цяпер Камала Харыс становіцца найбольш верагодным кандыдатам ад дэмакратаў на будучых выбарах. На наступным тыдні Байдэн выступіць са зваротам, у якім раскажа пра сваё рашэнне і далейшыя дзеянні больш дэталёва.
Заклікі выйсці з прэзідэнцкай гонкі нарасталі як снежны ком увесь апошні месяц, за які 81-гадовы Байдэн паспеў праваліць дэбаты з Трампам і прылюдна назваць Уладзіміра Зяленскага “прэзідэнт Пуцін”.
Крыніца: bbc.com
Фота: EPA/ТАСС
