Урад Эстоніі гатовы падпісаць з Украінай пагадненне, паводле якога мужчын прызыўнога ўзросту будуць вяртаць у краіну, паведаміў у пятніцу тэлеканал ERR.
Міністэрства абароны Украіны заклікала вярнуць мужчын прызыўнога ўзросту, якія ўцяклі з краіны пасля пачатку расейскай агрэсіі ў мінулым годзе. Эстонія неаднаразова выказвала зацікаўленасць у падпісанні пагаднення з Кіевам аб рэпатрыяцыі мужчын, якія падлягаюць мабілізацыі.
«Калі гэта спатрэбіцца Украіне, Эстонія здолее знайсці і вярнуць гэтых людзей у краіну», – запэўніў міністр унутраных спраў Эстоніі Лаўры Лаанемец (Lauri Laanemets). «Мы ў прынцыпе ведаем, дзе яны і што робяць. Большасць з іх працуе. Яны пражываюць у Эстоніі», дадаў ён.
У бліжэйшыя дні эстонскі міністр павінен прадставіць пісьмовую прапанову аб заключэнні пагаднення паміж дзвюма краінамі. У цяперашні час экстрадыцыя замежнікаў на радзіму магчымая толькі пры ўзбуджанай крымінальнай справе супраць асобы.
Больш за 7 тысяч мужчыны з Украіны мабілізацыйнага ўзросту падалі заявы аб часовай абароне ў Эстоніі.
