Еўрапейская камісія мае намер ужо сёння, 7 чэрвеня, выступіць з прапановай пра пачатак перамоваў па ўступленні Украіны і Малдовы ў Еўразвяз. Пра гэта са спасылкай на свае крыніцы піша газета Financial Times.
У Еўракамісіі хочуць паспяшацца, каб паспець да пераходу старшынства ў ЕЗ да Вугоршчыны, патлумачылі крыніцы. Нагадаем, Будапешт спрабуе тармазіць вылучэнне дапамогі Украіне.
Сёння, 7 чэрвеня, Еўракамісія абвесціць, што “Украіна ўжо адпавядае крытэрыям у частцы антыкарупцыйных мер, абмежаванняў на палітычнае лобі, правілаў дэкларавання маёмасці чыноўнікаў і абароны моў нацыянальных меншасцяў, якія заставаліся нявыкананымі”.
І ўжо ў чэрвені еўрачыноўнікі плануюць пачаць фармальныя перамовы з Кіевам і Кішынёвам, “каб падаць абодвум краінам пазітыўны сігнал адносна іх надзей на ўступленне ў ЕЗ”.
Беларускае Радыё Рацыя
