Гэтую інфармацыю пацвердзіў 1 кастрычніка «Позірку» афіцыйны прадстаўнік Еўрапейскай службы замежных дзеянняў Петар Стана.
Паводле яго, прынятая мера абумоўленая сённяшняй сітуацыяй у Беларусі і роўнем двухбаковых адносінаў Менску і Еўразвязу. Пры гэтым, адзначыў Петар Стана, адкліканыя супрацоўнікі працягнуць у Бруселі «сваю важную працу, звязаную з Беларуссю». «Палітыка ЕЗ у дачыненні да Беларусі застаецца нязменнай. У прыватнасці, Еўразвяз па-ранейшаму прыхільны падтрымцы народа Беларусі», — падкрэсліў прадстаўнік Еўрапейскай службы замежных дзеянняў.
