Савет Еўрапейскага звяза ў аўторак, 20 траўня, зацвердзіў 17-ы пакет санкцый супраць Расейскай Федэрацыі.
Пра гэта паведаміла высокі прадстаўнік ЕЗ па знешніх адносінах і палітыцы бяспекі Кая Калас у сацыяльнай сетцы Х.
“ЕЗ ухваліў 17-ы пакет санкцый супраць Расеі, накіраваны супраць амаль 200 караблёў ценявога флоту. Новыя меры таксама датычацца гібрыдных пагроз і правоў чалавека”, – заявіла яна.
Таксама, паводле слоў Калас, рыхтуюцца новыя санкцыі супраць Расеі.
“Чым даўжэй Расея вядзе вайну, тым больш жорсткай будзе наш адказ”, – дадала высокі прадстаўнік ЕЗ па знешніх адносінах і палітыцы бяспекі.
