Еўрапейскі Звяз цалкам падтрымлівае Данію на фоне напружанасці вакол Грэнландыі і заяўляе, што гатовы абараняць яе суверэнітэт. Пра гэта заявіў кіраўнік Еўрарады Антоніу Кошта ў інтэрв’ю Euronews. Ён адзначыў, што ЕЗ прынцыпова абараняе міжнародныя нормы і суверэнітэт сваіх краін-чальцоў. Напружанасць узрасла пасля таго, як прэзідэнт ЗША Дональд Трамп не выключыў магчымасці эканамічнага і вайсковага прымусу ў дачыненні да Грэнландыі. У адказ Данія падкрэсліла, што выспа застанецца часткай яе каралеўства.
Беларускае Радыё Рацыя
