ЕЗ плануе скараціць колькасць сваіх дыпламатычных супрацоўнікаў для эканоміі бюджэту, піша выданне Politico. Скарачэнні закрануць краіны, да якіх Брусэль больш не мае «моцнага інтарэсу». Сярод такіх называюць і Беларусь.
ЕЗ гатовы скараціць каля 10 замежных прадстаўніцтваў і каля 100 мясцовых супрацоўнікаў, Кіраўніца еўрапейскай дыпламатыі Кая Калас прэзентавала план рэарганізацыі Еўрапейскай службы вонкавых дзеянняў (EEAS) высокапастаўленым службоўцам Еўрапейскай камісіі ў мінулую сераду.
Хоць Еўрапейская служба вонкавых дзеянняў не плануе афіцыйна закрываць ніводнага са 144 замежных прадстаўніцтваў, каля 10 з іх будуць скарочаныя да асноўнага персаналу. Каля 100 мясцовых супрацоўнікаў, падобна, будуць звольненыя ў два этапы ў 2026 і 2027 гадах.
Кіруе Прадстаўніцтвам ЕЗ у Беларусі з ліпеня 2023 году дацкі дыпламат Стэйн Нёрлаў.
