Еўракамісія падрыхтавала 18-ы пакет санкцый супраць Расеі і Беларусі за агрэсію супраць Украіны. Сярод прапановаў —— поўная забарона на аперацыі з беларускімі банкаўскімі структурамі. Пра гэта «Радыё Свабода» даведалася ад інфармаваных крыніц у Брусэлі.
Паведамляецца, што ў гэтым пакеце санкцый фігуруюць чатыры беларускія кампаніі з галіны абароны і ваеннай прамысловасці. Публічна іх назавуць пазней. Еўракамісія прапануе замарозіць іх актывы і забараніць займацца бізнесам у межах ЕЗ.
Таксама Еўракамісія прапануе цалкам забараніць аперацыі з банкаўскімі структурамі Беларусі. Таксама ўпершыню пад забарону трапляе імпарт узбраенняў з Беларусі ў Еўразвяз. Мяркуецца, што гэты пакет прымуць на працягу чэрвеня пасля ўзгаднення ўсімі 27 краінамі — чальцамі ЕЗ.
