Дарадца Ціханоўскай Франак Вячорка лічыць, што кожыя метады ад санкцый да нават футбольнай гульні са знакавымі асобамі могуць наблізіць нас да вызвалення палітвязняў.
Гаворыць Франак Вячорка:
-Літоўскія дэпутаты мала ведаюць пра сітуацыю з палітвязнямі, у літоўскай інфармацыйнай прасторы мала гавораць пра Беларусь і беларускае пытанне. Беларусь згубілася за тэмай Украіны, а зараз Ізраіля і Ірана. І такім чынам, праз футбольныя турніры, праз велапрабегі, якія робяць палітвязні, можна гэтую ўвагу звярнуць. Таму што проста канферэнцыямі і семінарамі ўвагу медыяў не прыцягнеш. Калі рабіць нейкія нестандартныя, нечаканыя дзеянні, яно адразу выносіць тэму на парадак дня.
Застаецца невядомым, з чым можа быць звязана вызваленне лідара пратэстаў 2020 года Сяргея Ціханоўскага і іншых палітзняволеных. А пытанне масавага вызвалення палітвязняў па-ранейшаму актуальнае і вострае.
Цалкам гутарка:
Беларускае Радыё Рацыя
