Францыя гатова выкарыстоўваць свае ядзерныя сілы стрымлівання для таго, каб абараніць Еўропу, паведамляе The Telegraph.
Эмануэль Макрон. Фота: Pier Marco Tacca/Getty Images
Паводле інфармацыі выдання, знішчальнікі з ядзернай зброяй могуць быць перакінуты ў Германію, паколькі ЗША пагражаюць вывесці свае войскі з кантынента.
Французскі чыноўнік адзначыў для The Telegraph, што разгортванне знішчальнікаў будзе пасланнем Уладзіміру Пуціну, тады як дыпламаты ў Берліне выказалі здагадку, што гэта будзе ціснуць на прэм’ер-міністра Вялікабрытаніі Кіра Стармера, каб ён зрабіў тое ж самае.
“Размясціць некалькі французскіх ядзерных знішчальнікаў у Германіі не павінна быць складана, і гэта было б моцным сігналам”, – падкрэсліла крыніца.
У той жа час Фрыдрых Мерц, які стане наступным канцлерам Германіі пасля перамогі на выбарах, заклікаў Вялікабрытанію і Францыю ўзмацніць сваю ядзерную абарону, бо ён хоча, каб Еўропа была незалежнай ад Амерыкі Дональда Трампа.
Фрыдрых Мерц, які, як чакаецца, стане наступным канцлерам Германіі пасля перамогі на выбарах у сваёй краіне ў нядзелю, заклікаў Вялікабрытанію і Францыю ўзмацніць сваю ядзерную абарону, паколькі ён імкнецца да “незалежнасці” Еўропы ад Амерыкі Дональда Трампа.
У сваю чаргу прэзідэнт Францыі Эмануэль Макрон правёў размову з Мерцам перад сваім візітам у Белы дом, каб прадставіць Трампу свой план еўрапейскай бяспекі і абароны Украіны.
