Францыя плануе правесці другую сустрэчу для абмеркавання Украіны і бяспекі ў Еўропе 19 лютага, але цяпер запросіць еўрапейскія краіны і саюзніцу па НАТА Канаду, якія не былі на першым мерапрыемстве.
Пра гэта паведамляе агенцтва Reuters са спасылкай на ананімныя крыніцы сярод дыпламатаў.
Два суразмоўцы паведамілі, што на мерапрыемства запрошаны Нарвегія, Канада, Літва, Эстонія, Латвія, Чэхія, Грэцыя, Фінляндыя, Румынія, Швецыя і Бельгія. Фармат мерапрыемства будзе гібрыдным, у прыватнасці прадугледжаны ўдзел па відэасувязі, паведамілі тры неназваныя дыпламаты.
