На парламенцкіх выбарах у Малдове перамогу атрымала праеўрапейская партыя «Дзеянне і салідарнасць» прэзідэнткі Маі Санду. Паводле папярэдніх вынікаў ЦВК, пасля падліку галасоў на 99,52% участкаў партыя набірае 50,03% галасоў і зможа атрымаць не менш за 54 месцы ў 101-мясцовым парламенце.
Палітолаг Аляксандр Фрыдман адзначае, што перамога праеўрапейскіх сіл можа паскорыць еўраінтэграцыйны вектар Малдовы:
-У пэўным сэнсе нечаканы, нават аптымістычна настроеныя празаходнія назіральнікі, увогуле тыя людзі, якія спачуваюць заходнім дэмакратычным каштоўнасцям не чакалі такога выніку. Усё ж такі гаворка ішла пра тое, што там будзе ўпартая барацьба, кожны голас можа быць вырашальным. У рэшце рэшт мы бачым вельмі ўпэўненую перамогу празаходніх сіл.
Паводле аналітыка, для параўнання, падобныя выбары ў Беларусі пакуль цалкам немагчымыя: праеўрапейскую пазіцыю краіне будзе магчымым заняць толькі пры карэнных зменах у Расеі, параўнальных з пачаткам 1990-х гадоў.
Цалкам гутарка:
Беларускае Радыё Рацыя
