Кіраўнік Агенцтва еўраатлантычнага супрацоўніцтва Валерый Кавалеўскі прыме ўдзел у Мюнхенскай канферэнцыі па бяспецы, дзе мае намер прыцягнуць увагу да крытычнага становішча Беларусі.
Палітык пералічыў ключавыя пытанні, якія плануе агучыць падчас мерапрыемстваў канферэнцыі:
– Самая галоўная задача – гэта дамагчыся таго, каб пра Беларусь памяталі ў мірным працэсе па Украіне, каб нашы інтарэсы былі ўлічаныя сыходзячы з таго, што менавіта падкантрольная пуціну Беларусь стала месцам для пачатку агрэсіі супраць Украіны. І другая тэма – гэта рэальная пагроза нашай незалежнасці, нашай дзяржаўнасці. На сёння мы бачым, што дыстанцыя паміж Беларуссю і краінамі Еўропы значна вырасла. І пытанне таксама вызвалення палітычных зняволеных. Гэта тая праца, якую вяду разам з Вольгай Гарбуновай і Таццянай Хоміч.
Вядома, што лідар Аб’яднанага пераходнага кабінета Святлана Ціханоўская і прадстаўнік АПК Вадзім Кабанчук прымуць удзел у канферэнцыі, якая пройдзе 14–16 лютага. Афіцыйныя прадстаўнікі Менска не запрошаныя. Таксама чакаецца першая з 2022 года сустрэча прадстаўнікоў Расеі і Украіны.
Цалкам матэрыял слухайце ў далучаным файле:
Беларускае Радыё Рацыя
