Выбары ў Злучаных Штатах Амерыкі цяпер могуць змяніць сітуацыю з вайной ва Украіне. У гэтым перакананы кіраўнік Місіі дэмакратычнай Беларусі ў Кіеве Генадзь Манько.
Ён падзяліўся сваім досведам знаходжання на ўкраінскай тэрыторыі ды распавёў, чаму ваенны стан такі лёсавызначальны, у тым ліку, для Беларускай Дзяржавы:
-Сітуацыя, насамрэч, вельмі складаная. Зараз адбываюцца агульнасусветныя падзеі. Я лічу, што з пачаткам агрэсіі і пачаткам вайны 8 жніўня 2008 года ў Грузіі адбыўся пэўны пералом, то бок, былі парушаныя ўсе дамоўленасці пасляваенныя – Ялцінскія, Патсдамскія, пачаўся новы перадзел свету. РФ вырашыла, што яна поўная сіл і рашучасці і ёй не патрэбная ніякая міжнародная супольнсць, міжнароднае права.
РР: Як Вам падаецца, гэтая вайна ідзе да завяршэння ці наадварот, да пашырэння, і чаму?
Генадзь Манько: Зараз галоўным фактарам будуць выбары ў ЗША. Прынятае рашэнне павялічыць НАТА з 82 да 131 брыгады. Яны павялічваюць амаль у 5 разоў сваю сістэму СПА, тэхнічна пераўзбойваюць. Гэта гаворыць пра тое, што магчымае пашырэнне. І я мяркую, што цалкам магчымае ўцягненне і Беларусі, як тэрыторы, у тэатр ваенных дзеянняў. Мы стаім на мяжы сур’ёзных падзей. Я лічу, што асноўным трыгерам могуць быць выбары ў ЗША.
Паўнамаштабная вайна ва Украіне ідзе 972-гі дзень. Расея працягвае атакаваць украінскі бок ударнымі дронамі. Па-ранейшаму актуальнае пытанне перамоўнага працэсу.
Цалкам гутарка ў далучаным файле:
Беларускае Радыё Рацыя.
