Іспанія афіцыйна абвясціла, што пратэрмінаваныя пашпарты грамадзян Беларусі будуць прызнавацца сапраўднымі нават пасля заканчэння тэрміну дзеяння.
Гэта стала вынікам працэсу перамоў, які вёў Офіс Святланы Ціханоўскай з іспанскімі ўладамі, і быў фіналізаваны ў студзені 2026 года.
Прававы дарадца Офіса Святланы Ціханоўскай Леанід Марозаў адзначае, што такое рашэнне мае вялікае значэнне для беларускіх грамадзян за мяжой:
– Вельмі добрая навіна. З большага гэтая праца была на дыпламатычным узроўні. А Іспанія – гэта не працэс аднаго дня. Дзесьці паўгода таму мы вырашылі, што з гэтым трэба штосьці рабіць – і вось такі паспяховы вынік. Такіх краін яшчэ некалькі засталося. Але калі б на еўрапейскім узроўні мог быць прызнаны пашпарт новай Беларусі, тады б мы закрылі шмат якія праблемы для беларусаў.
Па словах Марозава, рашэнне Іспаніі адпавядае практыцы шэрагу іншых краін ЕЗ, якія ўжо прызнаюць пратэрмінаваныя беларускія пашпарты ў адміністрацыйных працэдурах, у тым ліку Аўстрыя, Кіпр, Літва, Францыя, Швецыя і Эстонія. З такім прызнаннем працэсы рэгістрацыі пражывання, падачы на від на жыхарства і іншыя адміністрацыйныя працэдуры для грамадзян Беларусі становяцца прасцейшымі і бяспечнымі.
Цалкам матэрыял:
Беларускае Радыё Рацыя
Фота Офіса.
