Ізраіль наносіць удары па пазіцыях «Хезбалы» ў Ліване, у адказ на абстрэлы ракетамі, здзейсненыя гэтай арганізацыяй. Пад удар трапляюць прыгарады Бейрута.
Армія абароны Ізраіля заклікала жыхароў ліванскіх вёсак эвакуявацца на адлегласць не менш за 1000 метраў ад дамоў. У заяве адзначаецца, што знаходжанне побач з членамі «Хезбалы» ці яе аб’ектамі можа быць небяспечным для жыцця.
Ізраіль абвясціў пра мабілізацыю 100 тысячы рэзервістаў. Гэтая лічба дапаўняе 50 тысяч рэзервістаў, якія ўжо знаходзяцца на службе. Адначасова прэм’ер-міністр Ізраіля Біньямін Нетаньяху заявіў, што ўдары па Іране ў бліжэйшыя дні будуць толькі ўзмацняцца.
* * *
Ліванская праіранская групоўка «Хезбала» прадпрымала ракетныя і беспілотныя атакі па Ізраілі, у тым ліку па вайсковай інфраструктуры на поўначы дзяржавы (уключаючы раён Хайфы). Яны заявілі, што гэта «адплата» за смерць айатоллы Ірана Алі Хаменэі.
Армія абароны Ізраіля пацвердзіла запуск ракет і дронаў з Паўднёвага Лівана. У адказ Ізраіль распачаў інтэнсіўныя паветраныя ўдары па прыгарадах Бейрута
Эскалацыя адбываецца на фоне шырокага ўзброенага супрацьстаяння паміж Ізраілем, ЗША і іранскімі сіламi, якое разгарнулася пасля забойства лідара Ірана — айаталы Алі Хаменэі.
Актыўны ўдзел «Хезбалы» ў баявых дзеяннях лічыцца значным пашырэннем канфлікту па-за межы Ірану і Ізраіля і можа пагражаць ператварыцца ў яшчэ больш шырокую рэгіянальную вайну.
