Раніцай 13 чэрвеня Ізраіль нанёс шырокамаштабныя авіяўдары па тэрыторыі Ірана. Сярод асноўных мэтаў — падземныя магутнасці ядзернага комплексу ў Натанзе. Незалежныя аналітыкі адзначаюць, што гэтая аперацыя нагадвае стратэгію «павуціны», якую выкарыстоўвае Украіна пры атаках беспілотнікаў на Расею.
Сітуацыю каментуе палітолаг і даследчык міжнародных адносінаў Аляксандр Фрыдман:
– Відавочна мы маем справу з галоўнай геапалітычнай падзеяй гэтага году, якая моцна паўплывае на ўсе тыя канфлікты і на ўсе тыя войны, якія ідуць. Што мы бачым? Атакавана дзяржава, у якой прынамсі ёсць ядзерны праект, якая над ім працуе, і пакуль не зразумела, на якім ён стане зараз.
На думку палітолага, удары па Іране маюць ускоснае значэнне і для Беларусі, асабліва ў кантэксце вайны ва Украіне і расейска-беларускага саюзнага фармату:
– Лукашэнка, канешне, чалавек палітычна вопытны. Сачыў на Сірыяй. Ён зараз бачыць, што адбываецца з Іранам. Рэальнай дапамогі з боку Расеі няма. І на фоне ўкраінскай аперацыі «Павуціна», калі ўкраінцы правялі такую аперацыю супраць ядзернай дзяржавы як Расея, то што можа адбыцца ў выпадку Беларусі.
Паводле палітолага, мажлівая параза Ірана як аб’екта цікавасці РФ можа азначаць павелічэнне рызыкі ваеннага наступу Расеі на ўсходнія межы Еўразвяза.
Цалкам матэрыял:
Беларускае Радыё Рацыя
