Да інаўгурацыі амерыканскага прэзідэнта Дональда Трампа застаецца фактычна тыдзень. Яна павінна прайсці 20 студзеня, – распавёў беларус, які жыве ў Злучаных Штатах Амерыкі, Юры Эпштэйн:
— Рыхтуюцца зараз да інаўгурацыі, яна адбудзецца 20 студзеня апоўдні па вашынгтонскім часе. Да таго часу Байдэн застаецца прэзідэнтам – літаральна крыху больш за тыдзень. А пасля гэтага Трамп зноў стане прэзідэнтам. Гэта другі выпадак у гісторыі ЗША, калі прэзідэнт займае пасаду праз перапынак.
Цалкам слухайце ў далучаным гукавым файле:
Выбары прэзідэнта ў ЗША адбыліся 5 лістапада мінулага года. З вялікім адрывам перамог рэспубліканец Дональд Трамп, набраўшы 312 галасоў выбарцаў, у той час як прадстаўніца дэмакратаў Камала Харыс – толькі 226.
Беларускае Радыё Рацыя
