Каардынацыйная рада (КР) правяла пасяджэнне, падчас якога былі прадстаўлены вынікі дзейнасці некалькіх камісій.
Кажа старшыня камісіі КР па рэформах і падрыхтоўцы пераходнага перыяду Юрый Губарэвіч:
– Праведзены аналіз наяўных прапаноў, праектаў, рэформаў і распрацаваных законапраектаў. Назапашана велізарная база, наладзілі працу з некалькімі дзейнымі пляцоўкамі. Грамадская канстытуцыйная камісія, гэта міжпартыйная платформа, рэанімацыйны пакет рэформаў для Беларусі, удзел у фармаванні стратэгіі кадравага рэзерву дзяржаўных службоўцаў.
Вынікі працы камісіі КР па адукацыі і навуцы агучыў старшыня Павел Церашковіч:
– Мы правялі чатыры слуханні па стварэнні беларускага даследчага ўніверсітэта імя Астафія Валовіча. Слуханні, стан і перспектывы развіцця беларускамоўнай адукацыі ў Літве. І гэтыя слуханні дазволілі нам павялічыць узровень каардынацыі з Аб’яднаным пераходным кабінетам і Офісам Святланы Ціханоўскай.
У завяршэнні пасяджэння прайшло прадстаўленне кандыдатаў у будучую дэлегацыю дэмакратычных сілаў у ПАРЭ. Кожны з кандыдатаў агучыў свае прыярытэты і падыходы да міжнароднага прадстаўніцтва.
Беларускае Радыё Рацыя
