Каардынацыйная рада заклікае беларусаў не прымаць удзел у адзіным дні галасавання, але паўдзельнічаць у выбарах трэцяга складу Каардынацыйнай рады, якія павінны адбыцца ў траўні. У заяве рады гаворыцца, што ў беларускага народа скралі права на празрыстыя і справядлівыя выбары, вынікі ўсіх выбарчых кампаній і рэферэндумаў былі сфальсіфікаваныя.
“Цяпер у Беларусі паскорылася фармаванне неа-таталітарнага рэжыму ў рамках саюзнай дзяржавы пад поўным кантролем ваенна-палітычнага кіраўніцтва Расеі”, – адзначаецца ў заяве рады. Таксама Каардынацыйная рада нагадвае, што беларусы, якія пражываюць за мяжой, не могуць удзельнічаць у беларускіх выбарах і называюць гэтыя выбары фарсам ды імітацыяй.
Беларускае Радыё Рацыя
