3-га сакавіка падчас Агульнага пасяджання Каардынацыйнай рады была прадстаўлена справаздача Камісіі па адукацыі і навуцы. У дакладзе абмеркавалі сучасны стан адукацыі і навукі ў Беларусі, а таксама планы па ўдасканаленні адукацыйнай палітыкі.
В.а. старшыні Камісіі, сябра Каардынацыйнай рады Аляксандр Паршанкоў, акрэсліў бліжэйшыя планы працы камісіі:
-Зараз на фінальнай стадыі ўжо знаходзіцца падрыхтоўка слуханняў “ЕГУ і беларуская грамадзянская супольнасць”. Калі паспеем, то арганізуем яшчэ да траўня слуханні аб падрыхтоўцы канцэпцыі праектаў рэфармавання сістэмы адукацыі ў Беларусі. І я ўвесь час праводжу кансультацыі рэпрэсаваных студэнтаў, былых палітвязняў і іншых зацікаўленых асобаў па пытаннях адукацыйных магчымасцяў для беларусаў у Еўразвязе.
Падчас пасяджання экс-кіраўнік Камісіі і дарадца Ціханоўскай па навуцы Павел Церашковіч звярнуў увагу, што пасля абнаўлення складу Каардынацыйнай рады неабходна будзе змяніць фармат дзейнасці камісіі для больш сістэмнага і празрыстага ўзаемадзеяння з іншымі камісіямі.
Такім чынам, выбары ў Каардынацыйную раду чацвёртага склікання павінны адбыцца ў анлайн-фармаце з 11 па 17 мая 2026 года ўключна.
Цалкам гутарка:
Беларускае Радыё Рацыя
