7 траўня рымска-каталіцкія кардыналы збяруцца на таемны канклаў, каб абраць новага лідара сусветнай Каталіцкай Царквы.
Сыкстынскую капэлу зачыняць для публікі з 28 красавіка для правядзення канклаву. Таксама прыпыняюць усе наведванні Ватыканскіх садоў і Некропаля Трыумфальнай дарогі.
Кардыналы не павінны пакідаць капэлу да таго часу, пакуль не абяруць новага папу Рымскага. Папярэднія два канклавы, у 2005 і 2013 гадах, працягваліся ўсяго два дні.
Агенцтвы звяртаюць увагу на тое, што барацьбу будуць весці прыхільнікі нябожчыка папы Францішка, прыхільнікі рэформаў і больш ліберальнага падыходу да царквы, і кансерватараў-традыцыяналістаў.
Дату пачатку канклаву вызначылі на закрытым сходзе кардыналаў у Ватыкане, першым пасля пахавання папы Францішка ў суботу, паведаміла крыніца Reuters.
